Со писмено барање, в. д. градоначалникот на Општина Кочани Венко Крстевски побара од Училишниот одбор да спроведе постапка за разрешување на директорот на ОУ „Никола Карев“.
Барањето се заснова на несовесно работење во службата и направени повреди на закони и на други акти утврдени со внатрешна ревизија.
Со цел да се прекинат натамошните штети во училиштето, Крстевски бара од Училишниот одбор да донесе решение за разрешување на директорот и да назначи нов директор.
Во прилог на барањето до Училишниот одбор е известување од „Водовод“ од коешто се гледа дека неколкумина директори на кочанското комунално претпријатие безуспешно му имаат понудено на директорот на „Никола Карев“ исплата на рати на долгот кон КЈП.
Во зависност од решението на Училишниот одбор на „Никола Карев“, Општина Кочани ќе преземе соодветни мерки.
Содржината на објавата е сопственост на Радио Кочани.
