Улиците во Прилеп изрешетани со дупки – каде завршија 54 милиони денари за нивно асфалтирање? На Прилеп му се случува невидена градежна офанзива – градоначалникот Јовчески и ДПМНЕ велат дека ја има, ама неа сеуште никој не ја видел! Во градот владее урбанистички хаос, улиците се валкани, потонати во мрак и изрешетени со дупки. Цели 4 години во Прилеп камче не е поместено. Се распишуваат тендери, се склучуваат договори за реконструкција и асфалтирање на улици, а тие секоја година се се’ полоши и се’ пораскопани. Ако е така, а така е, локалната власт е должна да каже каде завршуваат општинските пари? Минатата година Општина Прилеп со скопската фирма УРБАН ПАВЕР склучила договор за одржување, крпење дупки, изградба на тротоари, патишта и улици во вредност од 10 милиони денари. Ниту улици се асфалтираа, ниту тротоари се направија, а парите се потрошија. За тековната 2025 година нов договор за јавна набавка помеѓу старите партнери – Општина Прилеп и УРБАН ПАВЕР. За разлика од претходниот, овој договор има два дела: • првиот за реконструкција, рехабилитација на улици и општински патишта, “тежок“ 34 милиони денари; • вториот за одржување ударни дупки, прокопи, тампонирање и други работи на улици и општински патишта, во вредност од 10 милиони денари. Или севкупна вредност на договорот – фантастични 44 милиони денари! Она што боди очи, е дека рокот на изведба на работите е 6 месеци, што значи точно до почетокот на локалните избори. Премногу провидно и наивно, но кога е во прашање ДПМНЕ – веќе видено. Дека се лови во матно и дека под изговор на “крпење“ дупки некој “крпи“ стотици илјади евра, покажува и еден друг податок: за еден тон асфалт Општина Охрид плаќа 3.800 денари, Тетово 6.500, Кавадарци 4.650, а Прилеп дури 16.000 денари! Постојат мал милион причини заради кои објавното винителство треба да го прочешла финансиското работење и на Општина Прилеп, но и на општинските јавни претпријатија. Господа од ДПМНЕ, доста ги полневте џебовите – пополнете ги дупките по улиците!- истакна Попоски на денешната прес конференеција на ОО на СДСМ – Прилеп
