Пред малку во Прилеп, дрвокрадците со директен судар го уништија службениот Дастер на Шумската Полициска Станица во Прилеп, напиша вечерва на социјалните мрежи заменик директорот на Македонски шуми, Кире Михаилов, кои тврди дека сега е на потег судот и дека повеќе нема назад.
– Кога објавувам дека овие бандити не бираат средства да избегаат, дел од граѓаните во коментари на моите објави се потсмеваат.Жалното во приказната е тоа што истите овие кои го направија ова, секојдневно ја уништуваат природата во прилепскиот регион.
Жалното е тоа што и покрај тоа што ги имаме фаќано безброј пати, тие повторно се на слобода и повторно и повторно го прават ова.Апелирам до судот и обвинителството да носат ригорозни мерки за овие бандити и да не го чекаме моментот да ни биде повреден или недај Боже да ни загине некој колега, па дури тогаш да се освестиме.
И покрај сите предизвици, назад нема.
Нема ниту милиметар да отстапиме од борбата со криминалците, а одговорност ќе има за сите.- објави на социјалните мрежи заменик директорот на Македонски шуми, Кире Михаилов.
