На Градскиот стадион „Гоце Делчев“ во Прилеп, се оствари средба на генерацијата од ФК Победа која што есента 1987 година во Втората југословенска лига – Исток постигна дотогаш нешто недоживеано: 7 победи во серија и 1 реми, постигнувајќи дури 11 гола, а примен само 1 гол.
Средба на генерацијата Победа 1987/88
Од тие фудбалери што настапија таа есен, на средбата се појавија: Мирсад Јонуз, Звонко Костов, Владо Димоски, Милан Тодороски, Марјан Стојковски, Тони Наумоски, Ѓорѓи Тракалинов, Миле Конески, Фарук Јонуз, Тони Шалев и Влатко Досев.
На оваа средба дојде се присуствуваше и Зоран Мицевски, кој беше дел од тимот таа есен. Беа присутни и од клупското раководство, Симон Наумоски, директор на ПИ Витаминка, Димко Кокароски, професор на Економскиот факултет, Орде Иваноски, директор на компанијата Пролетер, Трајче Ѓорѓиоски, возач на клупскиот автобус како и Миле Талески, легендата на спортското новинарство во Прилеп и Димитар Чучуроски, еден од најприврзаните навивачи на Победа.
Средбата за весело расположение продолжи кај угостителот којшто е дел од клубот близу 6 децении, Стојче Бозоски.
Повеќе за оваа средба на линкот на Шампион https://shampion.mk/15347/
