Со свои претставници , потпредседателот на ФФМ Марјан Стојковски , генералниот секретар Леонид Јандреоски и заменик генералниот секретар Дрилон Ганиу , македонската фудбалската федерација учествуваше на 75. ФИФА Конгрес, кој се одржа во Асунсион, Парагвај. Учеството на највисокиот собир на Светската фудбалска асоцијација беше можност за размена на искуства, поставување стратешки насоки и унапредување на меѓународната соработка во фудбалот.
Конгресот не само што се совпадна со 100-годишнината од членството на Парагвајската фудбалска асоцијација во ФИФА, туку го означи и почетокот на значаен период за континентот во контекст на глобалната игра, со тоа што Јужна Америка ќе биде домаќин на Светското првенство за жени на ФИФА 2027 и натпреварите по повод стогодишнината од Светското првенство на ФИФА во 2030 година.
