Во организација на хранот Св. Кирил и Методиј – Прилеп и во соработка на ЈНУ – Институтот за Старословенска култура – Прилеп, синоќа во Храм “Св. Кирил и Методиј“ – Параклис, еминентниот Камерен хор од Познањ, Chór Kameralny Cappella Musicae Antiquae Orientalis, специјализиран за изведба на православна црковна музика, под диригенство на проф. Д-р Леон Заборовски, основач и диригент на хорот, одржа концерт на хорска православна црковна музика, со православни партитури.Концерот, кој беше моемент на живање и смиреније, го проследија Владиката Г. Петар, градоачалникот на Прилеп, Борче Јовчески и други еминетни гости и верници, кои уживаа во изведбата на камерниот хор од Полса.Концертот е дел од проектот на хранот Св. Кирил и Методиј – Прилеп посветен на културната рута на св. Кирил и Методиј, одобрен од Министерство за култура на Р.Македонија ,во кои се предвидени одржувања на два концерти, на 29 април 2025 г. во Прилеп, во црквата, и на 30 април 2025 г. во с. Враништа, Струшко, во црквата св. Никола, каде како коорганизатор е Парохијата Вранишка со м-р отец Ристе Наумоски.Инаку, „Cappella Musicae Antiquae Orientalis“ е камерен хор, основан во 1984 година и обединува претставници од различни средини и генерации, специјализирани за изведба на православна црковна музика. Има остварено преку 550 концерти во Полска и во странство, 48 странски турнеи во 20 европски земји (Русија, Италија, Ватикан, Австрија, Латвија, Германија, Холандија, Шпанија, Франција, Чешка, Грција, Данска, Луксембург, Белгија, Естонија, Литванија, Украина, Словенија, Белорусија, Словачка); Шесткратен лауреат (1985, 1986, 1991, 1994, 2001, 2021), вклучително и двократен добитник на првата награда (1986, 1991) на Меѓународниот фестивал за православна црковна музика „Хајнувка“ (Hajnówka). Важен настан во историјата на хорот е учеството во продукцијата на операта „Борис Годунов“ (Borys Godunow) од Мусоргски во Големиот театар во Лоѓ.
