СОЕПТУ “Кузман Јосифоски-Питу“ – Прилеп, продолжува да ги шири можностите за учениците со визија за практично, модерно и интернационално образование.
Оваа година ЕКОНОМСКОТО со своите струки и профили стана БРОЈ ЕДЕН за упис на деветтоодделенците. „Во првиот уписен рок бројот на пријавени ученици е зголемен 100%!“ информираат од СОЕПТУ “Кузман Јосифоски-Питу“ – Прилеп.
И, ова не е случајност – ова е доказ дека сè повеќе ученици го препознаваат патот кон сигурна и стабилна иднина. Младите одлучија дека сакаат образование што носи вредност, знаење што се применува и професии што нудат многу можности.
Економската и правната струка, заедно со дигиталниот маркетинг, претставуваат основни и трајни потреби на секое современо општество. Овие професии не се резултат на моментален тренд или краткотрајна побарувачка на пазарот на труд, туку се суштински за стабилноста, функционалноста и развојот на државата, институциите и приватниот сектор. Тоа се модерни и динамични професии кои се бараат денес, утре и секогаш.
Економистите се клучни во анализа на пазарите, креирање економски политики и управување со финансиски ресурси.
Бизнис администраторите и правниците обезбедуваат правна сигурност, заштита на правата и ефикасно функционирање на правниот систем во секоја организација, што е неопходно за секое демократско и уредено општество.
Истовремено, дигиталниот маркетинг стана незаменлив во денешната дигитализирана ера. Тој овозможува комуникација меѓу компаниите и потрошувачите, градење на брендови и поттикнување економски активности преку дигитални канали. Со постојаното развивање на технологијата, улогата на дигиталните маркетери станува сè поважна.
Затоа, овие три области – економија, право и дигитален маркетинг – се од траен стратешки интерес и нивната важност само ќе расте со текот на времето. Тие се двигатели на напредокот и клучни алатки за градење конкурентно, праведно и просперитетно општество.
Затоа оваа година интересот за упис во СОЕПТУ “Кузман Јосифоски-Питу“ – Прилеп се зголеми за 100% повеќе од лани.
Пријавувањето беше електронски и се спроведува преку порталот e-uslugi.mon.gov.mk, каде учениците се најавуваат со сопствените кориснички сметки на schools.mk.
Доставувањето на потребната документација до училиштата е на 18 и 19 јуни, а конечната ранг-листа со резултатите од запишувањето и слободните места, секое училиште ќе ја објави на 20 јуни 2025.
Второто електронско пријавување во јунскиот рок ќе биде на 30 јуни 2025, доставувањето на документите на 1 јули и објавувањето на конечната ранг-листа и слободните места на 2 јули 2025.
Пријавувањето во августовскиот рок, според објавениот конкурс, ќе се врши на 21 август 2025.
