По обидот да влезат камиони на „Бехтел и Енка“ во стариот коп кај Оревоец, од вчера среда 22 октомври нови секојдневни блокади на патот кон селото од раскрсницата од Прилеп кон Плетвар се активни од жителите на околните села и и активисти на Спас за Прилеп.
Утрово во 07:00ч. жителите на село Оревоец – Прилеп, на раскрсницата за село Плетвар, за нивно чудо после 9 месеци повторно наидоа на неколку камиони и службени возила на Бехтел и Енка со придружба на БРОЈНА ПОЛИЦИЈА. Со силно полициско обезбедување се обидоа да влезат на стариот коп кој го отпочнаа во февруари 2024 година, од каде беа избркани после ТЕШКА ДЕВЕТ МЕСЕЧНА БЛОКАДА на патот, кој води кон планината кај копот од страна на граѓаните на град Прилеп. Со овој потег прилепчани покажаа како се брани својата земја и како човечката упорност дава резултати. Со оваа добиена битка покажаа дека СИЛАТА Е ВО НАРОДОТ и за судбината на своите домови, планини, воздух, реки, извори за вода ОДЛУЧУВА НАРОДОТ без разлика на тоа кој какви печати, одобренија и потписи раздал за истото. После добиената битка, утрово повторен напад од државата и Бехтел и Енка врз Прилеп за отворање на нови рудници за мермер Војната продолжува – покажа државата… и нека. Народот повторно се организира и ќе застане на линијата за одбрана. Само 2 дена по локалните избори државата си зема за право да прави бесправни и погубни потези за град Прилеп, но и овој пат народот ќе покаже дека за својата судбина ќе одлучуваат само граѓаните и никој друг! РУДНИЦИ НЕМА ДА ИМА! НИЕ СМЕ МНОГУ, ТИЕ СЕ МАЛКУ!!!, велат од Спас за Прилеп
Од денеска четврток, 23 ти октомври блокадите продолжуваат од 7 часот со цел да се стопираат камионите да влезат за ископ. Известувањето за блокадите до ОВР Прилеп уредно доставено и важи секој ден од 7 до 17 часот:
